الرئيسية / أخبار الجمعية / ⴰⵙⵉⵡⴹ ⵖⴼ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ
ⴰⵙⵉⵡⴹ ⵖⴼ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

ⴰⵙⵉⵡⴹ ⵖⴼ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ

ⴰⵙⵉⵡⴹ ⵖⴼ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰ ⵓⵙⵓⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵉⵏⵎⵍⵜ ⵜⴰⵎⵖⵔⴰⴱⵉⵜ ⴳ ⵓⵙⴳⴳⵡⴰⵙ 2003, ⵢⴰⵏ ⵓⵙⵏⴼⴰⵔ ⴰⵏⴰⵎⵓⵔ ⴰⵎⵇⵔⴰⵏ, ⵎⴰⵛⴰ ⴰⵙⵓⵔⵉⴼ ⴰ ⵉⵜⵜⵡⴰⴳⴳⴰ ⴰⵙ ⴰⵟⵟⴰⵚ ⵏ ⵜⴼⵉⵛⴰⵢ ⴷ ⵉⵏⴼⵜⵉⵍⵏ, ⴰⵍⵍⵉⴳ ⵜⵣⵔⵉ ⵙⴰⵎⵔⴰⵡ ⵏ ⵉⵙⴳⴳⵡⵓⵙⴰ ⵓⵔ ⴰⵙ ⵉⵜⵜⵡⴰⴳ ⵓⵎⵓⵔ ⵓⵍⴰ ⴰⴷⴷⵓⵔ, ⵓⵍⴰ ⵜⵓⵎⵥ ⴰⴱⵔⵉⴷ ⵉⵙⵔⵔⴰⵏ, ⵉⴷⴷⵖ ⴰⵡⴰⵏⴽ ⴷ ⵉⵏⴱⴷⴰⴷⵏ ⵓⵔ ⴰⵙ ⵡⵛⵉⵏ ⵜⴰⵖⴹⴼⵜ, ⵓⵔ ⵙⵖⵓⴷⴰⵏ ⵉⵎⴰⵎⴽⵏ ⵉⴱⵉⴷⴰⵖⵓⵊⵉⵢⵏ ⵏⵏⴰ ⵖⴰ ⵜⵜ ⵉⵙⵏⵙⵜⵎⵏ ⵉⴼⴽ ⴰⵙ ⵜⵉⵣⵎⵎⴰⵔ ⴳ ⵓⵙⵍⵎⴷ. ⴰⵙⵍⴽⵓ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵣⴷⵉ ⴷ ⵜⵙⵔⵜⵉⵜ ⵜⵓⵜⵍⴰⵢⴰⵏⵜ ⵏⵏⴰ ⵉⴷⴼⵓⵔ ⵓⵡⴰⵏⴽ ⴰⵎⵖⵔⴰⴱⵉ, ⵉⵇⵇⵏ ⴰⵍⵜⵓ ⴷ ⵜⴰⴷⵔⵙⵉ ⵏ ⵓⵣⵎⵣ ⵏⵏⴰ ⴰⵙ ⵉⵜⵜⵓⴼⴽⴰⵏ ⴷ ⵜⴰⴷⵔⵙⵉ ⵏ ⵉⵙⵍⵎⴰⴷⵏ ⵉⵜⵜⵓⵏⵖⵍⴼⵏ ⵙ ⵓⵙⵍⵎⴷ ⵏⵏⵙ, ⴷ ⴳⴰⵔ ⵜⵉⵎⵙⵜⵓⵍⵉⵏ ⵏ ⵜⵡⵓⵔⵉ ⵏ ⵉⵙⵍⵎⴰⴷⵏ ⵏ ⵜⵎⴰⵣⵉⵖⵜ, ⴰⵔ ⵙⵎⵓⵎⵎⵓⵢⵏ ⵣⴳ ⴷ ⴳⴰⵔ ⴰⵎⵢⴰⵡⴰⴹ ⵏ ⵉⵏⵎⵀⴰⵍⵏ ⵏ ⵜⵉⵏⵎⴰⵍ, ⴰⵎⴷⵢⴰ ⵏ ⵕⵕⴱⴰⵟ ⵏ ⵍⵄⵔⴰⵢⵛ, ⵉⵙⵍⵎⴰⴷⵏ ⵓⵔ ⵍⵉⵏ ⴰⵣⵔⴽⴽⵉ, ⵓⵔ ⵍⵉⵏ ⴰⴷⴷⵓⵔ ⴰⵎ ⴰⵢⵜ ⵎⴰⵜⵙⵏ ⵉⵙⵍⵎⴰⴷⵏ, ⴰⵔ ⵜⵜⵓⵙⵀⵉⵍⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵎⵔⵙ ⵏⵡⴰⴽⵓⴷ ⴳ ⵉⵣⵎⴰⵣ ⵉⵎⵎⵓⵜⵏ ⵉⵏⴳⴳⵓⵔⴰ. ⵜⴰⵇⴱⴱⴰⴹⵜ ⴰⴷ ⴷ ⵓⵙⵙⵍⴽⴰ ⵏ ⵜⵎⴰⵣⵉⵖⵜ ⵓⵔ ⵉⴷ ⵖⴰⵙ ⵛⴰ ⵏ ⵡⴰⵏⵙⵉⵡⵏ ⵀⵉⵍⵍⵉ, ⵎⴰⵛⴰ ⵜⴳⴰ ⵜⴰⵙⵜⵔⴰⵜⵉⵊⵉⵜ ⵃⵎⴰ ⴰⴷ ⵙⵎⵣⴷⴰⵏ ⴰⵙⵏⴼⴰⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⴰⴷ, ⴱⴰⵔ ⴰⴷ ⴰⵡⴹⵏ ⵛⴰ ⵏ ⵜⵉⵣⵉ ⴳ ⵖⴰ ⵜⵜ ⴼⴹⴹⴰⵏ ⵏⵖⵉⵏ ⵜⵜ, ⴰⵢⴰⴷ ⵢⵓⵎⴰⵏ ⴳ ⵉⵙⴽⴰⵔⵏ ⵏ ⵓⵡⴰⵏⴽ ⴳ ⵜⵖⵎⵙⴰ ⴷ ⵜⵎⵀⵍⴰ ⴷ ⵜⵉⵏⵎⴰⵍ ⴷ ⵇⵇⴰⵃ ⵉⵎⵔⵉⵡⵏ ⵉⴷⵢⵓⵍⵓⵊⵉⵜⵏ . ⵙⵎⴰⵏⴰⵢⴰ ⵏⴽⴽⵏⵉ ⵜⵉⵎⵙⵎⵓⵏⵉⵏ ⴷⴰ ⵏⵙⵙⵖⵎⵉⵙ ⵉ ⵓⵎⴰⵜⴰ ⵉⵎⵉⵣⵉ ⵏ ⵜⵙⵔⵜⵉⵜ ⴰ ⵉⵙⵙⵡⵜⴰⵙⵏ ⴰⴷ ⵜⵙⵙⵖⴰⵔ ⵉⵥⵓⵕⴰⵏ ⵉ ⵜⵓⵜⵍⴰⵢⵜ ⵜⴰⵏⴰⵎⵓⵔⵜ ⵉⴳⴰⵏ ⴰⵢⴷⴷⴰ ⵏ ⴽⵓⵍⵍⵓ ⵉⵎⵖⵔⴰⴱⵉⵢⵏ, ⴰⵔ ⵏⵜⵜⵉⵏⵉ : ⵏⴳⴰ ⵎⴳⴰⵍ ⵏ ⵜⵙⵔⵜⵉⵜ ⵜⵓⵜⵍⴰⵢⴰⵏⵜ ⵜⴰⵎⵖⵔⴰⴱⵉⵢⵜ, ⵉⴷⴷⴰⵏ ⴳ ⵓⴱⵔⵉⴷ ⵏ ⵓⵣⵓⵛⵛⵍ ⴷ ⵓⵙⵏⴼⵉ ; ⴷⴰ ⵏⵙⴱⴰⴱⴱⴰ ⵉ ⵓⵡⴰⵏⴽ ⴰⵎⵖⵔⴰⴱⵉ ⴳⴰⵔ ⴰⵙⵃⴱⵉⴱⴹ ⴷ ⴰⵜⵜⵍⴽⵓ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵓⵙⵛⵉⵍ ⵏ ⵓⵙⵍⵎⴷ ⵜⵓⵜⵍⴰⵢⵉⵏ ⵢⴰⴹⵏ, ⴷ ⵜⵉⵎⵓⴽⵔⵉⵙⵉⵏ ⵏⵏⴰ ⵜⴰ ⵜⵜⴰⴼⴰⵏ ⴳ ⵓⵔⵉⵍⵍⵉ ⵓⵎⴳⴳⵉⵡⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ; ⴷⴰ ⵏⵜⵜⴻⵜⵜⵔ ⵙ ⵓⵡⴰⵏⴽ ⴰⵎⵖⵔⴰⴱⵉ ⴰⴷ ⵉⴳ ⵜⴰⵎⵙⵙⵓⵎⴰⵏⵜ ⵏⵏⵙ ⴳ ⵓⵙⵍⵎⴷ ⵏ ⵜⵎⴰⵣⵉⵖⵜ, ⴰⵙⵍⵎⴷ ⵉⵛⵏⴰⵏ, ⵉⴼⴽ ⴰⵙ ⵜⴰⴼⵙⴰ ⵏⵏ ⵉⴳⴰⵏ ⴱⵏⵉⴷ ⴰⵙ, ⵎⵉⵏⵣⵉ ⵜⴳⴰ ⵜⵓⵜⵍⴰⵢⵜ ⵜⴰⵇⴱⵓⵔⵜ ⵏ ⵜⵎⴰⵣⵉⵔⵜ, ⵉⵙⵙⵓⴷⴼ ⵜⵜ ⴳ ⵓⵀⵉⵍ ⵏ ⵓⵙⵙⴳⵎⵉ ⴰⵔⵓⵙⵍⵉⴳ ⴷ ⵓⵀⵉⵍ ⵏ ⵜⵓⵙⵙⵏⴰⵙⴽⴽⵉⵍ, ⵙ ⵉⵎⴰⵎⴽⵏ ⵉⵜⵔⴰⵔⵏ ; ⴷⴰ ⵏⴳⴳⴰⵔ ⵜⴰⵖⵓⵢⵢⵉⵜ ⵉ ⵜⵎⵙⵎⵓⵏⵉⵏ ⴷ ⵜⵎⴷⴷⵓⵙⵉⵏ ⴷ ⵉⵎⴰⴳⴳⴰⵢⵏ ⵉⵎⴰⵣⵉⵖⵏ ⴰⴷ ⴼⴽⵏ ⵜⵉⵣⵎⵎⴰⵔ ⵏⵏⵙⵏ ⵉ ⵜⵖⴰⵡⵙⴰ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵛⴽⵓ ⵉⴳⴰ ⵙⴳ ⵜⵉⵔⵙⴰⵍ ⵏ ⵓⵙⵉⴷⵔ ⴷ ⵓⴱⴷⴰⴷ ⵏ ⵜⵎⴰⵣⵉⵖⵜ ⴳ ⵉⴷⵉⵙ ⵓⵜⵍⴰⵢⴰⵏ ⵓⵍⴰ ⴰⵖⵔⵎⴰⵏ, ⴱⴰⵔ ⴰⴷ ⵏⵚⴽⵓ ⴰⵡⴰⵏⴽ ⵏ ⵉⴱⴷⴷⵏ ⵖⴼ ⵓⵎⵙⴰⵙⴰ ⴷ ⵉⵣⵔⴼⴰⵏ ⴷ ⵜⵎⴰⵣⵉⵔⵜ ⵓⵍⴰⵍⵍⵓ ⴷ ⵜⴷⵉⵎⵓⴽⵔⴰⵙⵉⵜ. ⵜⵉⵎⵙⵎⵓⵏⵉⵏ ⵙⴳⴹⵎⵏⵉⵏ :  ⵜⴰⵎⵙⵎⵓⵏⵜ ⴰⴽⴰⵍ ⴳ ⵍⵃⴰⵊⴱ  ⵜⴰⵎⵙⵎⵓⵏⵜ ⵎⴰⵙⵉⵏⵉⵙⴰ ⴳ ⵟⴰⵏⵊⴰ ⵜⴰⵎⵙⵎⵓⵏⵜⴰⵙⵉⴷⴷ ⴳ ⴰⵎⴽⵏⴰⵙ  ⵜⴰⵎⵙⵎⵓⵏⵜ ⴰⵎⵖⴰⵔ ⴳ ⵅⵏⵉⴼⵔⴰ ⵉⵜⵜⵡⴰⵔⵉ ⴰⵙⵙ ⵏ 23 ⴽⵜⵓⴱⵜ 2970/2020

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى